Fløysand Tak AS gal ferte máksit 350 000 kruvnnu sturrosaš divada go lea rihkkun gilvolága, muhto IcopalTak AS ii dárbbaš máksit 1.2 miljovnna sturrosaš divada. Sivvan dasa lea go fitnodat almmuhii vearredagu Gilvobearráigehččui ja ovttasbarggai bearráigehččiin dutkama vuolde.

Lea vuosttas gearddi go Gilvobearráigeahčči luvve fitnodaga ráŋggáštusdivadis dákkár dieđiheami geažil.

- Go gilvaleaddjit lonohallet hattiid fálaldatgilvvus, de lea dát duođalaš rihkkun gilvobearráigeahččulága ektui. Dávjá leat hattit mearrideaddjin sidjiide geat vižžet fálaldagaid ja galget daid árvvoštallat. Lobihis fálaldatovttasbargu hedjonahttá bargofálaldagaid ja sáhttá mielddisbuktit ahte barggaheaddji máksá menddo olu, cealká gilvodirektevra Christine Meyer.

- Seammás lea dávjá hirbmat váttis fuomášit lobihis ovttasbarggu jos eat oaččo cavgilemiid. Danne rahpá gilvoláhka vejolašvuođaid daidda fitnodagaide geat leat searvan kartealladoaimmaide, ja háliidit beassat eret lobihis ovttasbarggus ja almmuhit iežaset Gilvobearráigehččui, ahte sii eai dárbbaš máksit olles dahje oasi divadis, čilge Meyer.

Loga eanet áššis dárogillii (pdf)