Geavaheaddjit ávžžuhuvvojit atnit Gilvobearráigeahču el-fápmo haddelistta ohcat, buohtastahttit ja molsut el-fápmošiehtadusaid. Jahkái sáhttá seastit máŋga duhát kruvnnu, geavahusa ektui.
Lea álki molsut fápmolágideaddji. Buot maid dárbbašat bargat lea váldit oktavuođa lágideaddjiin masa háliidat molsut ja ođđa lágideaddji ordne de visot. Gávdnan dihtii buoremus šiehtadusa sáhtát buohtastahttit buktagiid Gilvobearráigeahču el-fápmo haddelisttas.
Dárkkis el-fápmo hattiid doppe gos orut
Gilvu el-fápmomárkanis lea sorjavaš das ahte haddediđolaš geavaheaddjit molsot el-fápmo láigideaddji jos ožžot buori fálaldaga. Gaskavahko, golggotmánu 20. beaivvi fuomášahtii Forbrukerinspektørene NRKas iešguđet el-fápmo šiehtadusaid maid geavaheaddjit sáhttet válljet.
Forbrukerinspektørene: Melkekuer i strømmarkedet (NRK Nett-TV)
Gilvobearráigeahču el-fápmo haddelista lea ávkkálaš veahkkeneavvu haddediđolaš geavaheddjiide válljet buoremus šiehtadusa, man vuođđun lea jahkásaš el-fápmo geavahus ja ássangielda.
– Jos dus lea heajos šiehtadus, de lea álki molsut, lohká seniorráđđeaddi Jan Petter Fedje.
Makkár šiehtadusa galggan válljet?
Guorahallan maid Gilvobearráigeahčču lea dahkan čájeha ahte hálbbimus buktagiin eai leat nu stuora erohusat dasa mii guoská standárdda rievddadeaddji hattiide (badjel 2000 kruvnnu vuosttas jahkebeali jagis 2010), ja geavaheaddjin berret čuovvut mielde ahte buvtta maid válljet lea hálbi guhkit áiggi vuollái. Spothattiid erehusat leat olu unnit (sullii 200 kruvnnu vuosttas jahkebeali jagis 2010).
Geavaheaddjit geat háliidit diehtit ovddalgihtii vuorddehahtti hatti berrejit árvvoštallat bissovaš haddešiehtadusaid, muhto dákkár šiehtadusat šaddet áiggi mielde divraseabbo go spothadde- ja standárdda rievddadeaddji šiehtadusat.
El-rávdnjehattit: Unnán erohusat márkanvuođuštuvvon el-fápmošiehtadusaid gaskkas