Gilvobearráigeahčču deattuha gulaskuddancealkámušas Ođasmahttin-, hálddahus- ja girkodepartementii ahte girjesuorggi bissovaš haddeortnet lea gilvogáržžideaddji ja uhcán ávkin geavaheddjiide.
– Gulaskuddancealkámušas mii evttohat guokte árvalusa movt ovddidit gilvvu girjesuorggis. Nubbi árvalus lea ahte rievdadit vuogádaga movt mearridit bissovaš haddeortnega girjjiid dáfus. Dál heaittihuvvo bissovaš haddeáigodat buot diimmá álmmuhuvvon girjjiide miessemánu 1. beaivvi jagi maŋŋil. Mii evttohat ahte guhkkodat bissovaš haddeáigodaga ektui mearriduvvo juohke almmuhuvvon girjji ovddas, muitala ossodathoavda Christian Lund Gilvobearráigeahčus.
– Nubbi árvalus lea ahte girjegávppit sáhttet dušše šiehtadallat ođđa bissovaš haddeáigodaga girjjiid ovddas mat almmuhuvvojit ođđasit, jos girjji sisdoallu rievdá mearkkašahtti olu. Mii oaivvildat ahte nuppástuhttimat nu go ođđa olggoš, ođđa bábirkvalitehta, ođđa ovdasátni dahje ođđa muddejuvvon teaksta eai galgga addit vejolašvuođa šiehtadit ođđa bissovaš haddeáigodaga, dadjá Lund.
Gilvobearráigeahčču doarju muđui daid rievdadusaid maid Ođasmahttin-, hálddahus- ja girkodepartemeanta evttoha iežas gulaskuddanreivves.