Konkurransetilsynet - Ny høyring om drosjeforskrift

Konkurransetilsynet har foreslått å innføre eit nytt takstsystem for alle drosjar i landet. Etter den fyrste høyringsrunden har tilsynet gjort nokre endringar i forslaget. Forskrifta blir derfor send ut på ny høyring.

Konkurransetilsynet foreslo i juni 2009 å innføre såkalla parallelltakst for alle drosjar i landet. Formålet med forslaget var blant anna å gjere det enklare for drosjekundane å samanlikne prisar. I tillegg vil takstsystemet som er foreslått gjere det enklare for kundane å sjekke at dei betalar riktig pris.

Tilsynet tok også ein fullstendig gjennomgang av dagens prisregulering med sikte på å gjere maksimalprisane lettare å forstå, både for kundane og tilbydarane.

På bakgrunn av innspel i den fyrste høyringsrunden har Konkurransetilsynet gjort nokre endringar i utkastet til forskrift.

Om endringane
Endringane gjeld i hovudsak forskrifta sitt verkeområde, faste forholdstal og takststrukturen i maksimalprisregulerte område. Konkurransetilsynet foreslår blant anna at det, som i dag, skal vere fri prissetjing i kontraktssegmentet. Dette inneber at parallelltakst ikkje blir påboden ved kontraktskøyring.

Tilsynet fråfell tilleggsforslaget om å innføre faste forholdstal i område med fri prissetjing. Dermed vil aktørane framleis stå fritt til å fastsetje forholdet mellom dei ulike takstelementa.

Vidare foreslår Konkurransetilsynet å innføre ein såkalla gradert takststruktur i maksimalprisregulerte område. Dette vil gi drosjeføretaka ei viss dekning for tilkøyrings- og returkøyringskostnader.

Om høyringa
Konkurransetilsynet ønskjer å få synspunkt på endringane frå dei berørde partane, og sender derfor forslaget ut på ny høyring. Høyringsfristen er sett til 1. september 2010. Den nye forskrifta skal etter planen tre i kraft frå 1. januar 2011.

Høyringsdokument
> Høyringsbrev
> Utkast til forskrift
> Merknader til dei einskilde føresegnene

Sjå også høyringsdokumenta frå fyrste høyringsrunde »

Høyringssvar
0700 Bergen Taxi

Agder Taxi AS

Aksershus fylkeskommune

Finansdepartementet

Finnmark fylkeskommune

Forbrukerombudet

Funksjonshemmedes fellesorganisasjon

Halden Taxi AS

Hedmark fylkeskommune

Helse Nord RHF