Konkurransetilsynet har konkludert med at den svekka konkurransen i marknaden for helsekostfaghandel ville ført til høgare prisar, dårlegare vareutval og redusert intern effektivitet til skade for norske forbrukarar.
Etter Konkurransetilsynet si vurdering er konkurransen i marknaden for engroshandel innan kosttilskot/naturkosmetikk/hygiene til helsekostfaghandel vesentleg avgrensa, og ervervet ville styrkje denne avgrensinga. Om kjøpet hadde blitt godkjend, ville Validus AS kontrollert den vesentlege delen av grossistomsetninga i denne marknaden.
Partane har også overlappande verksemd på detaljistleddet, og føretakssamanslutninga ville etter Konkurransetilsynet si vurdering ført til at konkurransen i marknaden for helsekostprodukt seld gjennom helsekostfaghandel blitt vesentleg avgrensa.
Vedtaket blei fatta av tilsynet og sendt til Validus og Sunkost 28. mai. Partane kan klage på Konkurransetilsynet sitt vedtak til Fornyings- og administrasjonsdepartementet innan 15 yrkedagar.
Publisert:
29.05.2009
Sist endret:
29.05.2009